By Frances Pio
Inihayag ng Metropolitan Manila Development Authority (MMDA) nitong Huwebes na isasagawa nito ang “Oplan Metro Alalay Semana Santa 2022” (Oplan MASS) sa Abril 8 bilang paghahanda sa pagdami ng bilang ng mga motorista at biyahero na pupunta sa mga probinsya para sa Semana Santa.
Sa isang pahayag, sinabi ng MMDA na mula Abril 8 hanggang Abril 18, may kabuuang 2,681 na tauhan ang ipapakalat sa mga pangunahing lansangan, mga pangunahing hub ng transportasyon, at mga kritikal na lugar sa buong Metro Manila upang matiyak ang ligtas at maayos na daloy ng trapiko sa panahon ng Kuwaresma.
“Majority of the traffic personnel will be assigned to roads leading to provincial bus terminals, seaports, airports, and major churches, to ensure the safety of thousands of commuters expected to travel to nearby provinces to take advantage of the long Holy Week break,” sinabi ni MMDA Chairman Romando Artes.
“These contingency measures are aimed to ensure a peaceful, orderly, and meaningful observance of Lent,” dagdag pa niya.