By Frances Pio
––
Mahigit P498,000 halaga ng marijuana ang nakumpiska ng pulisya sa isang umano’y big-time trafficker sa isinagawang buy-bust operation nitong Miyerkules sa Lungsod ng Lucena.
Sinabi ni Colonel Ledon Monte, hepe ng Quezon police, ng pinagsamang mga operatiba ng pulisya at mga ahente ng Philippine Drug Enforcement Agency (PDEA) alas-8:26 ng umaga si John Dave Ariles, 22, matapos umanong magbenta ng isang pakete ng marijuana o “mga damo” sa isang poseur buyer sa Barangay 1.
Nasamsam ng mga awtoridad ang dalawang weighing scale at 12 plastic sachet ng “weeds” na tumitimbang ng 1,383.7 gramo na may street value na P498,192.
Tinukoy ng pulisya ang suspek bilang SLI (street-level individuals) sa drug watchlist. Nakakulong ang suspek at nahaharap sa kasong paglabag sa Comprehensive Dangerous Drugs Act of 2002.