By: April Therese Tan
Nibisita sa Cebu sila Senador Imee Marcos ug Bong Go ning bag-o lang og nagdala sa ilang tagsa-tagsa nga kaayuhan alang sa mga Sugbuanon.
Si Senador Marcos maoy nangulo atol sa gipahigayon nga launching sa Nutribun program alang sa daycare pupils sa Lapu-Lapu City.
Si Marcos nitambong usab sa National Transport Cooperatives Day nga gitambungan sa 700 ka nagkadaiyang cooperatiba sa tibuok nasud nga gipahigayon Waterfront Hotel and Casino ug nitambong usab siya sa Openline News Forum.
Sa maong forum, si Marcos malaumon nga ang Libreng Sakay nga program sa kanhi administrasyon mapadayon kini sa bag-ong administrasyon kay kini nakatabang og dako sa mga pasahero.
Nanghinaot si Marcos nga mabutangan og igong pondo ang maong programa sa gi proposed nga 2023 national budget.
Samtang si Senador Go, naghatag og daghang pahiyom ngadto sa sobra usa ka libo nga mga biktima sa baha sa Mandaue City.
Kini iyang gipanguluhan ang pagpanghatag og P3,000 nga aguda matag pamilya.
Ang matag pamilya nakadawat usab og laing P3,000 gikan sa opisina ni Mandaue City Lone District Representative Emmarie “Lolypop” Ouano Dizon ug laing P3,000 matag pamilya gikan sa kagamhanan sa Mandaue City.
Gikan sa iyang kaugalingon nga panudlanan, nanghatag usab si Go og grocery packs, volleyballs, basketballs, sapatos, bisileta, relo, ug uban pa.
Gi anunsyo usab ni Go nga adunay siyam ka mga Super Health Centers nga tukuron sa Cebu.
Matud pa ni Go nga kining siyam ka mga super health centers tukuron sa lungsod sa San Francisco sa Camotes Island, Borbon, Cordova, Samboan ug Moalboal.
Ingon man tukuron kini sa siyudad sa Lapu-Lapu, Bogo, Danao, ug Mandaue.