By Jim Lloyd Dongiapon
Nanumpa na si Mohajeran “Odjie” Balayman karong Martes, Oktubre 18, isip ang bag-ong maor sa lungsod sa Pandag, Maguindanao del Sur, human sa desisyon sa korte niadtong milabayng semana nga mipabor sa iyang electoral protest batok kang Khadafeh “Toy” Mangudadatu.
Si Balayman nanumpa kang Maguindanao del Sur Governor Bai Mariam Sangki Mangudadatu.
Gisaksihan ang maong seremonya sa iyang mga tigsuporta, sa mga alkalde sa mga lungsod sa probinsya, nga gipangunahan League of Municipalities in the Philippines (LMP) Provincial President, General Salipada K. Pendatun Mayor Rafsanjani Ali, ug ni Maguindanao del Sur Representative Tong Paglas.
Subli siyang nagpasalamat sa gobernadora ug sa iyang bana, si kanhi Sultan Kudarat Governor Datu Suharto “Teng” Mangudadatu, ug sa iyang mga ginsakupan tungod sa ilang pagsuporta sa iyang pagkandidato isip mayor.
Misaad siya sa iyang mga ginsakupan nga magpatuman siya og mga programa alang sa kalamboan sa ilang lungsod, sama sa pagtukod og usa ka commercial center ug mga proyektong pang-imprastruktura.
Kahinumduman nga It could be recalled that the Regional Trial Court (RTC) Branch 15 sa Cotabato City, nga gipangulohan ni Judge Annabelle Piang, mipagula sa desisyon niini niadtong Biyernes, Oktubre14, pabor sa protesta ni Balayman nga milangkob sa 23 ka mga presinto.
Nasayran sa korte human sa pag-ihap balik sa mga boto nga nakakuha si Balayman og 2,470 ka mga boto kon itandi sa 2,070 ni Mangudadatu, nga igo aron madaog siya pagkamayor.
Apan, mamahimo pang ilantugi sa kampo ni Mangudadatu ang desisyon sanglit gihatagan sila og lima (5) ka adlaw aron magduso og motion for reconsideration.
Wala pa’y bisan unsa mang pamahayag ang gitaktak nga mayor kalabot sa maong hisgutanan.