By: Frances Pio
––
Isinusulong ng Philippine Chamber of Commerce and Industry (PCCI) na makabangon ang mga micro, small and medium enterprises (MSMEs) sa buong bansa upang mapabilis ang pagbangon ng ekonomiya ng bawat rehiyon.
“We are aiming to bounce back and fast-track our economic recovery here in Zamboanga Peninsula as we go through the adverse effects of the pandemic in the past two years, and even up to now,” sinabi ni Pedro Rufo “Pocholo” Soliven, pinuno ng PCCI-ZamPen.
Inihayag niya ito kasunod ng katatapos lamang na ikalawang general membership meeting ng PCCI-Mindanao at ang induction ceremony ng mga regional governor noong nakaraang linggo.
Idinagdag pa ni Soliven, “We have done a bounce back strategy as a business continuity particularly for MSMEs which comprise 99.5% of the total economy.”
Bilang business chamber regional governor, si Soliven ang kakatawan sa rehiyon sa Abril 5 sa panahon ng Philippine economic briefing at Sulong Pilipinas 2022.