By: Frances Pio
Nagbabala si Cebu City Mayor Michael Rama sa mga wholesellers at retailers na itigil ang pagpapatong ng sobra sa presyo ng kanilang mga tinda o sila ay magdusa ng malalang kahihinatnan.
“Do not take authority for granted and do not test your mayor. Anyone taking advantage or abuse will really suffer the pain of what the law will bring them, arrest or imprisonment,” ayon kay Mayor Rama.
Nakahuli ang lungsod ng isang nagbebenta ng overpriced na tubig sa halagang P300 kada 10 litro sa Carbon Market.
Sinabi ng nagbebenta na binili niya ang tubig sa halagang P250 bawat isa sa isang kalapit na bodega, na kasalukuyang iniimbestigahan ng pamahalaang lungsod.
Sinabi ng alkalde na ang unang pagsuplong ay magsisilbing banta sa lahat ng mga nagbebenta na hindi magpatuloy sa kanilang mga pang-aabuso.