By Frances Pio
––
Handa na ang seguridad para sa pagsasagawa ng mga special elections sa Martes, Mayo 24, sa Tubaran, Lanao del Sur.
May kabuuang 820-man security forces na binubuo ng 181 sundalo at 639 na pulis ang ipapakalat upang matiyak ang seguridad sa mga polling center sa mga Barangay ng Tangcal, Tubaran proper, Buribid.
Sinabi ni Police Major General Valeriano De Leon, Philippine National Police (PNP) director for operations, at deputy commander ng Special Task Force para sa 2022 national at local elections, na 45 personnel mula sa regional headquarters ang magsisilbing Board of Elections Inspectors (BEIs).
Sinabi ni De Leon na ang body-worn camera (BWC) system ay gagamitin ng mga pwersang panseguridad upang matiyak ang transparency, magbigay ng karagdagang ebidensya laban sa mga saboteur, at para sa layunin ng live na pagsubaybay ng mas mataas na himpilan.
“BWC would be greatly useful not only for transparency on the part of PNP personnel but also in any legal offensive against those who would dare to sabotage or influence the results of the special polls,” ika ni De Leon.