Si Talisay City Cebu Mayor Gerald Anthony “Samsam” Gullas ni file na sa iyang certificate of candidacy isip kongresista sa First Congressional District sa karong umaabot nga piniliay 2022.
Ang 36 anyos nga pulitiko buot mopuli sa iyahang apuhan nga si incumbent kongresista Eduardo “Eddigul” Gullas, nga gikataho nga mo retiro na human sa sobra 50 anyos nga pag-alagad isip public servant.
“I know a lot of people, especially my supporters in our City, might be disappointed with my decision but I assure you, my dedication to provide “Aksyon Agad” services will not die as I seek the congressional seat. In fact, mas mopadayon ang atong “Aksyon Agad” brand and mo-expand pa siya sa tibuok distrito,” matud pa sa mayor sa iyang Facebook post.
The mayor nag-ampo ug nanghinaot nga suportahan gihapon siya sa iyang ginsakupan sa iyang bag-ong hagit.
“I may never know what lies ahead but I firmly believe that the answer to every problem lies in courageously moving forward with faith,” dugang pa sa mayor.
Si Samsam naka serbisyo na isip kongresista sa samang distrito sa tuig 2013 hangtud 2019. Sa edad nga 28 anyos, siya nahimong pinakabata nga kongresista sa ika-16th Congress of the Philippines.
Bisan pa naa pa siyay usa ka termino nga modagan isip kongresista, nidagan si Samsam isip mayor sa Talisay City sa tuig 2019 og gihulipan niya ang iyang apohan sa maong posisyo nga nidaug usab isip kongresista anang tuiga. (By: April Therese Tan)