By: April Therese Tan
Nipasalig ang umaabot nga mayor sa Cordova town, Cebu Mayor Cesar Suan nga walay reshuffling sa department heads sa munisipyo ang mahitabo inug lingkod na niya isip mayor.
Matud pa ni Suan nga walay resuffling sa mga department heads inug lingkod na niya isip bag-ong mayor sa lungsod karon alas 12:00 sa udto sa Hunyo 30, 2022.
Napildi ni Suan ang incumbent Mayor Teche Sitoy-Cho human nilabaw siya og sobra 4,000 botos sa gipahigayon nga lokal ug national nga eleksyon pag Mayo 9, 2022.
Gipukan ni Suan ang 40 anyos nga pagdumala sa pamilyang Sitoy sa maong munisipyo.
Nanawagan usab ang umaabot nga mayor ngadto sa tanang deparment heads ug empleyado sa munisipyo nga padayon ang ilang serbisyo ngadto sa mga Cordovahanons.