By: April Therese Tan
Unom ka mayor sa Pirmerong Distrito sa Cebu ang bag-ong mga opisyales dinhi nga nipadayag sa ilang suporta sa kandidatura nila Bong Bong Marcos ug Sara Duterte.
Ang unom ka mayor mao sila Talisay City Mayor Samsam Gullas, Naga City Mayor Christine Chiong, Carcar City Mayor Mercidita Apura, San Fernando Mayor Lakambini Reluya, Sibonga Mayor Lionel Bacaltos, ug Minglanilla Mayor Elanito Peña.
Kani nga mga mayor nikuyog atol sa pagbisita
nila Marcos ug Duterte dinhi sa Cebu kagahapong adlawa, Disyembre 30, 2021 og gi anunsiyo ni Cebu Fifth District Representative Duke Frasco ug Liloan Mayor Christina Gracia-Frasco.
Mao kini ang panghitabo samtang ang Uniteam ni Marcos ug Duterte manghatag og toneladang relief goods ug cash nga hinabang alang sa katawhan sa Fifth District sa Cebu.
Ang Uniteam nihatag og P1 million financial assistance ug 3,000 ka sakong bugas alang sa munisipyo sa Liloan.
Si Mayor Garcia-Frasco, kinsa maoy tigpamaba ni Duterte’s ug ang iyang bana nga si Kongresista Frasco, maoy nidawat sa maong donasyon.
Ang magti-ayon nga Frasco nagpasalamat usab sa Uniteam sa donasyon nga satellite broadband ug duha ka generator sets.-(April Therese Tan)