By Frances Pio
––
Ang Toledo City and ug tulo ka munisipyo sa ikatulong distrito sa Cebu adunay nay tagsa-tagsa ka Cebu Technological University (CTU) regular campuses.
Kini human ang balaodnon nga gipangamanan ni Cebu Third District Representative Deputy Speaker Pablo John Garcia, na aprubahan na kini sa kongreso ug senado.
Ang laing tulo ka CTU campuses naa nahimutang sa Pinamungajan, Asturias, ug Balamban.
“I am overjoyed to learn nga finally, nahimo na gyung balaod ang paghimog regular CTU Campuses sa tulo ka mga lungsod ug usa ka dakbayan sa atong distrito. The amount needed for their operation will be included in the national annual budget. We can just imagine how many families will benefit from a more accessible education for the youth. Dili na kinahanglan moadto sa Cebu City,” matud pa ni Garcia sa iyang mensahe.
Ang maong balaodnon gipirmahan ni Senate President Vicente Sotto III ug House Speaker Lord Allan Velasco, nga ni paso na og nahimong nang usa ka balaod pag Hunyo mao ang Republic Act 11787 (CTU Pinamungajan Campus Act), Republic Act 11788 (CTU Toledo Campus and CTU Asturias Campus Act) ug Republic Act 11757 (CTU Balamban Campus Act).
Para ni Garcia, kinsa napili pag usab isip kongresista, edukasyon ang iyang prioridad sa iyang mga programa.
Sa nahinumduman, nipasaka usab og balaodnon si Garcia, ang House Bill No. 9075 alang sa pag convert sa satellite campus sa Balamban ug House Bill No. 9150 alang sa satellite campus sa Pinamungajan.
Nipasaka usab siya og House Bill 9180 alang sa pagtukod sa state-owned nga unibersidad sa Toledo City and Asturias.
Sa pagpasar sa maong mga balaod, unom sa pito ka lokal nga kagamhanan sa ikatulong distrito aduna nay CTU regular campus. -(April Therese Tan)