By Margaret Padilla
Si Wil Dasovich, isang Filipino-American vlogger, ay napili bilang World Vlog Challenge champion, at nag-uwi ng $100,000 o Php 5.9 milyon na grand prize sa challenge matapos talunin ng kaniyang entry ang mga video ng sampung vlogger mula sa buong mundo na lumaban sa Nepal.
“We did it!” Ibinahagi ng Fil-Am YouTuber at cancer survivor ang kanyang tagumpay sa kanyang Facebook post noong Oktubre 16. “I just want to make you all proud and it’s moments like these where I get to represent an entire country that makes me feel like I’m creating an impact.”
Ang mga sikat na social media figure mula sa buong mundo ay inanyayahan na ibahagi ang mga kuwento ng mga Himalayan glacier sa paligid ng Mount Everest.
Ang isinali ng Pilipinas ay nagbigay pansin sa mga Himalayan glacier na mabilis na natutunaw. Ipinakita ng 10 minutong pelikula ang paglalakbay ni Dasovich sa Khumbu Glacier, isa sa mga base camp ng Mount Everest, upang tumulong sa pagpapalaganap ng kamalayan tungkol sa epekto ng pagbabago ng klima sa mga Himalayan glacier.
Ang post pa ng travel vlogger sa kaniyang social media account:
“This single Nepal video was arguably the most difficult video to produce to date and getting millions of people to watch these carefully crafted mini-documentaries that promote a meaningful cause is the highest accomplishment I can achieve as a content creator.”
“Capture with entertainment (the bait), leave with life lessons and a greater appreciation for life and the beauties that planet earth beholds. Mission accomplished,” dagdag pa niya.
Samantala, sa kaniyang acceptance speech, halos maluha-luhang sinabi ng content producer na napakahirap para sa isang content creator na lumikha ng isang piraso na parehong kasiya-siya at makabuluhan, at may epekto sa mundo.
“It’s something I think I and many creators struggle with. Because it’s easy to be entertaining and get a lot of views. And it’s easy to make a piece that’s informative but it’s really difficult to bind those two together,” paliwanag pa niya.
(Photo from Wil Dasovich / Facebook)