By: April Therese Tan
Usa ka semana ang nilabay human gikuso-kuso og maayo ni bagyong Odette ang Cebu, ang the Visayan Electric sa pag alas 12:00 sa udto karong adlawa, Disyembre 22, 2021 nakapasiga na sa suga sa ilang 4,175 ka mga kustomers.
Ang VECO adunay 474,182 ka apektadong kustomers gumikan sa bagyong Odette.
Matud pa usab sa VECO nga 93 o 17.1 porsiyento na sa ilang 544 power line segments sa ilang franchise area ang naayo na.
“Restoration is taking longer in areas where Visayan Electric’s distribution facilities sustained heavy damage such as toppled poles, downed wires, and damaged transformers,” matud pa sa VECO sa ilang Facebook post.
Matud pa sa ikaduhang labing dakong tig apod-apod og kuryente sa tibuok nasud, nga ang ilang mga lineman inubanan sa mga enhinyero ug crew sa nagkadaiyang distribution utilities sa tibuok nasud, nagtrabaho tibuok adlaw ug gabie aron sa pag ayo sa mga linya sa kuryente nga nangaguba sa panghinaot nga mahuman kini sa dali ug luwas nga panahon.-(April Therese Tan)