Ang Bagyong Odette (Rai) ay nakarating sa ika-9 na landfall nito sa munisipalidad ng Roxas sa Palawan noong Biyernes ng hapon, sinabi ng Pagasa.
Ayon sa pinakahuling advisory ng Philippine Atmospheric, Geophysical and Astronomical Services Administration (Pagasa), nag-landfall si Odette sa Roxas 3:10 ng hapon dahil ang bagyo ay pinakahuling matatagpuan sa layong 105 kilometro hilagang-silangan ng Puerto Princesa City na taglay ang lakas ng hanging aabot sa 150 kilometro bawat oras (kph) at pagbugsong aabot sa 205 kph.
Sinabi ng Pagasa na ang mga lalawigan ng Palawan, Occidental Mindoro, at Antique ay makakaranas ng mabagyong kondisyon ng panahon sa mga susunod na oras habang ang Negros Oriental at ang nalalabing bahagi ng Mimaropa at Western Visayas ay posibleng magkaroon ng mga pag-ulan na may pagbugso ng hangin dahil sa Odette.
Ang Odette ay magdadala rin ng maulap na kalangitan na may kalat-kalat na pag-ulan at pagkulog-pagkidlat sa Metro Manila, Cagayan Valley, Cordillera Administrative Region, Calabarzon, Bicol Region, Eastern Visayas, Nueva Ecija, at Bulacan, ayon sa Pagasa. (By: Frances Pio)