By Christian Dee
MAYNILA – Magbubukas na sa darating na Biyernes, Oktubre 28, ang bagong branch ng isang kilalang kainan sa Poblacion Makati na Onlypans Taqueria, sa The Pop Up sa Katipunan, Quezon City.
Ayon sa Instagram post nito, “Pop Up ate!!! This is it! We are finally opening our doors to you, north!!!”
Para sa pagbubukas, inimbita ng Onlypans ang dalawa sa mga “Drag Race Philippines” queens na sina Brigiding at Viñas Deluxe upang mag-perform.
Handa ring magbigay ng magagandang tugtugan sina Mike Alvarez, Kate Jagdon, Pillowtalk at Someguy sa nasabing opening.
Mayroon ding papremyong Omega X Swatch Mission to Mars watch para sa mananalong guest na may “wittiest fit.”
Magbubukas naman ang pinto para sa mga dadalo sa Biyernes ng alas-6 ng gabi.
(Photo Courtesy of Onlypans Taqueria Poblacion / Facebook)
