Share:

Ang Cebu City government nipasalig nga mohatag og suporta ngadto sa Korte Suprema sa Pilipinas alang sa pagpahigayon sa pirmerong Regionalized Bar Examinations nga ipahigayon sa Cebu karong Nobyembre 7, 14, 21, ug 28, ning tuiga.

Ang mga opisyales sa Supreme Court bag-o lang nakigtagbo ni Cebu City administrator Atty. Floro Casas, Jr., ug kaubanan para sa suporta sa maong eksaminasyon diin adunay gibana bana nga 1,800 ka mga barrister ang mokuha niini.

Ang maong eksaminasyon adto ipahigayon sa tulo ka unibersidad sa Cebu- ang University of Cebu School of Law, University of San Carlos School of Law and Governance ug University of San Jose Recoletos-Basak Campus.

Sa nahinumduman, ang Philippine Association of Law Schools mao gayud ang nagduso ngadto sa Korte Supreme nga himoon ang “regionalization of Bar Examinations” diin sa dugay na nga panahon adto ra gayud kini himoon sa Manila.

Pag 2020, walay Bar Examinations nga gipahigayon tungod sa sigi nga pagsaka sa COVID-19 adtong higayuna ug tungod usab sa mas istrikto nga community quarantine sa tibuok nasud.

Ang Supreme Court En Banc niluwat og Bar Bulletin No. 11, S. 2020 pag Abril 29, 2020 alang sa pag-uswag sa 2020 Bar Examinations. (By: April Therese Tan)

Leave a Reply