By Jude Sagun
MANILA, Philippines — Nasorpresa ang mga pageant fans sa paglabas ni Miss Universe Philippines 2022, Celeste Cortesi sa Super Ending ng seryeng “Mars Ravelo’s Darna” ng ABS-CBN.
Huwebes pa lang ng gabi nang usap-usapan na sa social media kung sino ang gumanap na “Pinuno ng Marte,” na hinala ng marami, ito sana ang karakter na dapat gagampanan ni Regine Velasquez ngunit ‘di natuloy dahil sa conflict na schedule.

Screengrabbed from ABS-CBN Entertainment
Sa kabila nito, ikinatuwa ng marami ang pagkakapili kay Cortesi na nagpakitang gilas rin sa pagsasalita ng wikang Filipino.
“Just like Darna…. lumaban at patuloy na lalaban.
Taking on the role of Kevnar, The Queen of Marte is definitely a new experience and challenge,” saad ni Cortesi sa kanyang Instagram post.

Screengrabbed from ABS-CBN Entertainment
“Just like any other challenge, I take it as an opportunity to learn and to grow. It is true that when one door closes, another one opens, it’s all about seizing the moment and being grateful for the chance to work hard and to learn more about myself. Here is to new beginnings and to new adventures.
“Thank you to everyone at ABS-CBN and Darna for allowing me to be a part of this iconic show that celebrates women empowerment,” saad ng beauty queen.
Buong gabing top trending topic si Celeste kung saan marami na sa mga netizen ang nag-aabang sa kanyang susunod na acting stint.
Bigo si Celeste na makapasok sa top 16 sa Miss Universe 2022 na ginanap sa New Orleans, Louisiana noong Enero, pero naging-laman ng social media ang pag-suot niya ng “Darna” costume para sa National Costume competition ng pageant.
