By Christian Dee
MAYNILA – Coleen Garcia, asawa ng host at dancer na si Billy Crawford, ay nagpasiklab na sa kaniyang Halloween photo shoot.
Ang photographer sa shoot na ito ay isa sa mga hurado ng “Drag Race Philippines” na si BJ Pascual.
Ipinakita ni Garcia sa Instagram posts ang kaniyang transformation para sa Halloween episode ng ‘Musings,’ vlog ni Pascual na mapapanood na sa YouTube Channel ng photographer.
Ani Pascual, “Si Coleen, super hilig niya sa Halloween so siya talaga ‘yung perfect muse for this episode.”
“‘Yung inspiration dito is ‘yung mga suspense romance novels noong 70s… Parang ‘yung mga heroines dito parang mga sobrang dramatic lagi ‘yung itsura nila,” dagdag pa niya.