Inilunsad ng Department of Education (DepEd) nitong Lunes ang isang helpline system na naglalayong tulungan ang mga estudyante at mga tauhan ng paaralan sa kanilang mga concern sa mental health sa panahon ng pandemya.
Ang DepEd ay nagbigay sa mga opisina nito ng poster na naglalaman ng mga detalye sa pakikipag-ugnayan ng mga organisasyon na maaaring magbigay ng mga serbisyo patungkol sa mental health sa mga mag-aaral at mga tauhan ng paaralan.
“These helplines can provide various ways to support our learners and personnel. They may provide mental health and psychosocial support services, as well as wellness checks,” ayon kay Ronilda Co, Director of the DepEd’s Disaster Risk Reduction Management Service office.
Kasama sa graphic ang mga detalye ng contact ng mga organisasyon tulad ng Hopeline PH, The 700 Club Asia, COVID-19 Mental Health Responders mula sa Masters Psychological Services, at Circle of Hope Community Services, Inc. (By: Frances Pio)