Adunay 7,000 ka pormal ug impormal nga mamumuo sa Ceb ang nakadawat og P41.2 ka milyon nga pinansyal nga ayuda ug sweldo ubos sa Tulong Panghanapbuhay sa Ating Displaced/Disadvantaged Workers (TUPAD) sa Department of Labor and Employment.
Si DOLE Secretary Silvestre Bello III atol sa iyang pagbisita sa Southern towns sa Cebu- didto sa Barili, Aloguinsan, Balamban ug Toledo City gipagawas ang P26 ka milyon diin nakadawat ang sobra 5,000 ka mga mamumuo isip benepisyaryo.
Nipagawas usab sa maong ahensiya ang P26.1 ka milyon alang sa mga benepisyaryo sa TUPAD didto sa munisipyo sa Barili, Aloguinsan, Balamban, Asturias ug Toledo City.
Gipagawas usab ni Bello ang P11 ka milyon nga livelihood assistance alang sa 37 ka asosasyon diin adunay 977 ka miyebro sa munisipyo sa Medellin.
Ang nga benepisyaryo sa TUPAD sa munisipyo sa Madridejos nakadawat og P1.8 milyon, sa Bantayan nakadawat og 400,000.00 ug sa Sta Fe nakadawat og P1.2 milyon.
Adunay 866 benepisyaryo ang tulo ka munisipyo diin 464 sa Madridejos, 100 sa Bantayan ug 302 sa Sta. Fe.
Ang 37 ka benepisyaryo sa maong tulo ka munisipyo nakadawat og P186,000.00 nga financial assistance ubos sa Covid-19 Adjustment Measures Program (CAMP).
Laing 41 ka benepisyaryo ang nakadawat og P500,000.00 isip cash aid ug financial assistance sa mga Overseas Filipino Workers nga apektado sa pandemic ubos sa DOLE-AKAP, Tabang OFW ug Project Ease programs.