By: April Therese Tan
Sa wala pa hingpit nga nikanaog si kanhi Presidente Rodrigo Duterte sa iyang pwesto, iyaha nang gipirmahan ang usa ka balaodnon sa paghimo sa “Liloan Children’s Hospital” sa anha ibutang lungsod sa Liloan, Cebu.
Ang maong balaodnon nga Republic Act 11886 gipangamahanan ni Cebu Fifth District Representative Vincent Franco “Duke” Frasco.
Matud pa Frasco sa giluwatan nga press statement nga ang Liloan Children’s Hospital mag specialized kini sa health care services gikan sa pag prenatal sa inahan nga nagmabdos, pediatric care ug nutrition counseling services, immunization, ug training classes alang sa bata ug ginikanan kabahin sa panglawas sa mga kabataan.
Nalantaw nga mas molambo pa ang public health services sa lungsod sa Liloan ug sa kinatibuk-an nga Fifth District inug tukod na sa maong hospital.
Gipasaka ang maong balaodnon sa pirmirong termino ni Frasco pag Disyembre 17, 2020 og gi aprubahan sa House Committee on Health pinaagi sa Substitute Bill HB 10254.
Ang maong bill giaprubahan pag Setyembre 27, 2021 sa Lower House ug gi aprilubahan sa Senado pag Mayo 31, 2022.