By: Francis Pio
Inilunsad ng mga tagasuporta ni Vice President at opposition presidential bet Leni Robredo sa Ilocos Sur ang Ilocos Sur People’s Council at Leni-Kiko Volunteer Center noong Martes, Pebrero 8, ang unang araw ng opisyal na campaign period para sa mga pambansang kandidato.
Mahigit isang daang boluntaryo ang dumalo sa pagbubukas at pagbabasbas ng punong tanggapan ng kampanya na matatagpuan sa bakuran ng 148 taong gulang na Villa Angela sa Vigan City. Isang calesa caravan sa paligid ng lungsod ang dumating pagkatapos ng maikling programa para pormal na buksan ang sentro.
Binati ni Emmeline Verzosa, dating executive director ng Philippine Commission on Women, ang mga boluntaryo at conveners ng mga support group “sa pagkakaroon ng lakas ng loob na sumali sa aktibidad at magpakita ng suporta para sa Leni-Kiko tandem.”