Kanhi Department of Tourism Secretary Ace Durano gi-konsiderar karon ang awhag sa nagkada-iyang sector nga modagan isip gobernador sa Cebu karong umaabot nga eleksiyon 2022.
“Several sectoral groups from all over the Province have been asking Ace to run for Governor in the 2022 election. Especially with everything going around the province, particularly how the health crisis is being handled and how the health sector is not being prioritized, a lot of organizations have asked Ace to take lead. Ace is considering it, but a lot of things are still being weighed in,” matud pa sa igsoon ni Ace nga si kanhi Cebu Fifth district Representative Red Durano sa usa ka press statement.
Si Red mao ang presidente sa Barug Alang sa Kauswagan ug Demokrasya Party (BAKUD)– ang political party nga gitukod sa pamilyang Durano.
Matud pa ni Red nga bisan pa kaniadtong nilabay nga eleksiyon diin gi-awhag usab ang iyang igsoon nga modagan isip gobernador apan wala kini mosugot kay buot niini nga magpabilin sa iyang pribadong kinabuhi.
Apan human nakapaminaw sa mga awhag sa nagkada-iyang grupo sa nilabay na nga mga bulan, gi-konsiderar na ni Ace ang pagdagan isip gobernador.
“He has been going around the past few months and listening to the concerns of sectoral organizations. If he decides to run, he wants to hear from the people first,” dugang pa ni Red.
Ang gobernador karon sa Cebu nga si Governor Gwen Garcia nipadayag na nga buot siya magpapili pag-usab sa maong posisyon.
Si Ace nahimong DOT secretary gikan Oktubre 2004 hangtud 2010. Human niana nibalik ba siya sa pribadong kinabuhi.
Pag 2016 nga eleksiyon, gibalibaran niya awhag nga modagan isip gobernador sa Cebu apan siya ang nahimong campaign manager ni Senador Grace Poe, kinsa nidagan pagka Presidente sa Pilipinas. (By: April Therese Tan)