By Christian Dee
MAYNILA – Sumulat ng matamis na mensahe ang rider na si Katrice Kierulf para sa kanyang kasintahan na si Kapuso actress Klea Pineda, na siyang nagdiwang ng kaarawan kamakailan.
Sa Instagram post ni Kierulf, ibinahagi niya ang kanyang mensahe kalakip ang ilang larawang magkasama sila ni Pineda.
“It’s just so crazy how our paths crossed. How we would always wonder why everything just seems to fall into place. It may be mere coincidence or luck. But whatever it may be, I believe the stars aligned for us for a reason,” ani Kierulf.
“I am beyond lucky to have met you in this lifetime, Klea. You are the most loving, patient, & generous soul I’ve ever met. I’m so proud to call you my girlfriend,” dagdag pa nito.
Makikita sa mga ibinahaging larawan na hawak ni Pineda ang isang nag-uumapaw na boquet ng rosas habang sweet na sweet na magkayakap ang dalawa.
“Happiest Birthday, my love. I love you so much!!! To making more beautiful memories with you,” pagtatapos ng liham ni Kierulf para sa kaarawan ni Pineda.
Nag-reply din si Pineda sa ipinost ng rider.
“Aghhh I love you, My Leczinska! Thank you,” tugon ng aktres.
Maging ang singer at noong The Voice Kids contestant na si Juan Karlos Labajo ay nagkomento rin ng ilang puso para sa magkasintahan.
Matatandaang umamin at isiniwalat na ni Klea Pineda ang kanyang pagiging miyembro sa LGBTQIA+ community sa mismong kanyang kaarawan noong Marso 19.