Gihimakak ni kongresista Pablo John “PJ” Garcia sa Tirserong Distrito sa Cebu nga gitudlo siya isip tigpamaba sa Visayas ni Manila Mayor Isko Moreno, kinsa bag-o lang nga nianunsiyo nga buot magpapili isip Presidente sa Pilipinas karong umaabot nga 2022 eleksiyon.
Matud pa ni Garcia iyahang giklaro ang usa ka news report diin gi-quote ang walay klaro nga news source nga gitudlo daw siya nga tigpamaba ni Moreno.
“Though Mayor Isko Moreno is a good friend of mine, and a party-mate in the NUP until he joined Aksyon Demokratiko, I have not been offered the honor of becoming his spokesperson for the Visayas,” matud pa ni Garcia sa iyang Facebook post nga nidungag, “still, I wish him well in his new quest”.
Nagkanayon si Garcia nga ang sitwasyon kay pluwido pa sa pagka karon og ang National Union Party (NUP) ug ang iyang lokal nga partido, ang One Cebu wala pa ni endorso o nakig alayon sa bisan kinsa.
Ang pag-umangkon sa kongresista nga si Liloan Mayor ug pangulo sa League of Municipalities of the Philippines-Cebu Chapter Christina Garcia-Frasco mao karon ang tigpamaba ni Davao City Mayor Sara Duterte-Carpio, nga gihugon-hugon nga modagan usab pagka Presidente sa Pilpinas. (By: April Therese Tan)