By: April Therese Tan
Nitambong sa mass oathataking sa One Cebu sila umaabot Presidente Ferdinand “Bongbong” Marcos, Jr. ug umaabot nga Bise Presidente Sara Duterte kagahapong adlawa, Hunyo 28, 2022 nga didto gipahigayon sa Marco Polo Hotel, Cebu City.
Si Cebu Governor Gwendolyn Garcia, ang founder sa One Cebu nanumpa isip re-elected governor sa ikalimang higayon.
Si Garcia, nga nakakuha og 1.4 milyones nga botos, nihurar kang Sandiganbayan Associate Justice Geraldine Faith Econg.
Sa iyang mensahe, si Marcos, kinsa nakakuha og 1.5 milyones nga botos sa Cebu nagpasalamat sa mga Cebuano ug mga lider sa ilang pagsalig ngadto kaniya.
Dugang pa ni Marcos nga “historic” iyang pagdaog ug pirmiro kini nga nakadaog og dako ang usa ka Marcos sa Cebu.
Sa iyang bahin, nisaad si Duterte nga makigtambayayong sa mga lokal nga opisyales sa ilang paghatag og serbisyo publiko sa ilang mga ginsakupan.
Ang uban pang nidaog sa One Cebu sama sa mga mayor, bise mayor, kongresista, miyembro sa hunta probinsiya nanumpa usab ngadto ni Garcia.