By: April Therese Tan
Pag alas 12 sa udto karong adlawa, Disyembre 29, 2021, adunay nay 121,996 ka mga kustomer sa Visayan Electric ang nakatagamtam og kahayag, trese ka adlaw human gikuso-kuso ni bagyong Odette ang Cebu pag Disyembre 16, 2021.
Matud pa sa VECO sa ilang mensahe nga aduna nay 337 o 61.9 porsiyento sa ilang 544 power line segments sulod sa ilang franchise area.
Ang labing ikaduhang power diarubutor sa nasud nagkanayon nga ang ilang distribution facilities nakasinati og grabeng danyos sama sa nangatumba nga mga poste ug mga wire ug nangaguba nga mga transformers hinungdan nga mas madugay ang pagpasiga sa kuryente sa tibuok nilang franchise area.
“Our linemen from Visayan Electric, together with the engineers and crews from various distribution utilities from all over the country, have been working 24 hours a day to clear lines and restore power at the soonest and safest time,” matud pa sa VECO.
Ang franchise area sa VECO naglangkob kini sa siyudad sa Cebu, Mandaue, Talisay ug Naga ug ang mga munisipyo sa San Fernando, Minglanilla, Liloan ug PlayConsolacion.