By Frances Pio
––
Isasara ng Department of Public Works and Highways (DPWH) ang northbound section ng Buendia flyover sa Makati City ngayong Miyerkules ng gabi para sa isasagawang road repair.
Ayon sa Metropolitan Manila Development Authority (MMDA), isasara ang Buendia flyover sa kahabaan ng South Super Highway sa Makati simula alas-10 ng gabi ng Miyerkules hanggang 4 a.m. Huwebes.
“The northbound direction of the flyover will be closed to traffic for the duration of the repair,” ayon sa advisory ng MMDA.
Dumating ang plano na ito, ilang araw bago ang nakatakdang muling pagbubukas ng Edsa Timog Flyover sa Hulyo 23, matapos itong isara para sa agarang pagsasaayos matapos makita ang mga bitak sa loob ng tulay.