By April Therese Tan
––
Si Department of Labor and Employment-7 Concurrent Director ug Undersecretary Victor A. Del Rosario personal nga nanghatag og flyers kabahin sa bag-ong suhulan sa Central Visayas ngadto sa mga pasahero ug trabahante sa terminal sa Cebu City karong adlawa, Hunyo 14, 2022.
Kini mao ang kalambuan samtang ang Wage Order No. ROVII-23 alang sa mga pribadong trabahante ug Wage Order No. ROVII-D.W.03 alang sa mga domestic workers ipatuman na sugod karong adlawa.
Sa nahinumduman, ang Regional Tripartite Wages and Productivity Board-7 ni aprub sa P31.00 nga umento sa suhulan matag adlaw alang sa mga trabahante sa pribadong sekto ug ingon man P500.00 nga pagsaka sa suhulan matag bulan alang sa mga domestic workers.
Ubos sa wage order number ROVII-23, ang maong pagsaka sa suhulan alang lang kini sa mga minimum wage earners sa pribadong sektor sa rehiyon bisan unsa pa ang ilang posisyon, designation o estado ug bisan unsa pa ang pamaagi sa pag sweldo kanila.
“The minimum wage rates prescribed under this Order shall be for the normal working hours which shall not exceed eight hours of work a day,” matud pa sa maong wage order.
Ubos usab sa Wage Order Number ROVII-D.W.03 diin naghatag pud kini og minimum wage rate increase alang sa mga domestic workers sa rehiyon.
Ang bag-ong minimum rate mao nga ang P5,000.00 matag buwan mosaka na ngadto sa P5,500.00 matag buwan alang sa chartered cities ug first class nga munisipyo gikan sa PP4,000.00 ngadto P4,500.00 matag buwan.-(April Therese Tan)