By Frances Pio
––
Nakatakdang harapin ni Manny Pacquiao ang Korean YouTuber na si DK Yoo sa isang exhibition match sa Disyembre.
Ang eight-division world champion, na nagretiro sa boxing noong nakaraang taon, ay maaaring bumalik sa ring, ngunit sa pagkakataong ito, para sa isang exhibition fight.
Nag-anunsyo ang Martial Artist na si Yoo, na mayroon ding 654,000 subscribers sa kanyang YouTube channel, na lalabanan niya si Pacquiao sa isang exhibition match sa isang maikling video dalawang linggo na ang nakakaraan.
Ang 43-taong-gulang na boxer ay bahagi rin ng video at tinatanggap ang hamon ng Koreano.
“DK Yoo, see you in the special event this coming December, God Bless and be safe,” sinabi ni Pacquiao.
Nakatakdang maganap ang contract signing sa Hulyo 20 sa Maynila kung saan naroroon ang dalawang manlalaban.
Ang karibal ng Pinoy na boksingero na si Floyd Mayweather Jr., ay sumabak din sa aksyon sa ilang exhibition matches sa mga nakaraang taon.
Nagretiro si Pacquiao noong Setyembre ng nakaraang taon matapos matalo kay Yordenis Ugas.
Sinubukan ng incumbent senator ang kanyang suwerte noong 2022 presidential elections noong Mayo, ngunit pumangatlo lamang siya na may 3,663,113 boto.