By April Therese Tan
––
Pagsul-ob og face mask sa Cebu Province, “optional” nalang kung naa sa gawas o outdoor setting.
Apan gikinahanglan pa gihapon magsul-ob og face mask kung anaa sa sulod sa sarado nga lugar o adunay gipamati nga simptomas sa sakit sa COVID-19 sama sa ubo, sip-on ug hilanat.
Mao kini ang nalatid sa Executive Order (EO) No. 16 nga giluwatan ni Cebu Governor Gwendolyn Garcia kagahapong adlawa, Hunyo 8, 2022.
Apan matud pa sa EO sa gobernddora nga giawhag gihapon ang publiko sa pagsul-ob og face mask labi na sa mga lugar nga daghan og tawo.
“Wearing of face masks in Cebu Province is “optional” in well-ventilated and open spaces and shall only be “required” in closed or air-conditioned spaces,” matud pa sa EO nga ni apekto pag Hunyo 8, 2022.-(April Therese Tan)