By: Jim Lloyd Dongiapon
Mitudlo si Presidente Ferdinand “Bongbong” Marcos Jr. og walo ka bag-ong miyembro ug bag-ong chairperson sa Marawi Compensation Board (MCB) kagahapon, Enero 30.
Gi-anunsyo usab sa Presidential Communications Office ang mga ngalan sa mga bag-ong tinudlo, nga sila: Dalomabi Lao Bula, Mustapha C. Dimaampao, Moslemen T. Macarambon, Sr., Nasser Macapado Tabao, Mabandes Sumndad Diron, Jr., Jamaica Lamping Dimaporo, Sittie Aliyyah Lomondot Adiong, ug Romaisa Lomantong Mamutuk.
Dugang pa niana, si Atty. Maisata Dandamun-Latiph ginganlan ni PBBM isip bag-ong chairperson sa Board.
Si Dandamun-Latiph ug ang bag-ong mga miyembro sa MCB kang Executive Secretary Lucas Bersamin sa Palasyo sa Malacañan sa samang adlaw.
Mitambong sab sa oath-taking ceremony si Senador Robinhood Padilla aro magpakita sa iyang dili matarug nga suporta sa iyang mga kaigsoonang Muslim sa dalan paingon sa hingpit nga pagkaayo sa Marawi.
Misaad sab ang mga bag-ong opisyal sa MCB nga tumanon nila ang ilang mga responsibilidad ubos sa Republic Act No. 11696, o ang Marawi Siege Compensation Act of 2020, aron mahataf na ang gipangandoy sa Internally Displaced Persons (IDPs) sulod sa kapin lima na ka tuig.
Gitahasan sab ang board nga magdumala sa pagbayad og tax-free nga mga reparasyon alang sa mga kwalipikadong claimant nga nawad-an og panimalay ug negosyo atol sa Marawi siege, nga kabahin sab sa pagpaningkamot sa gobyerno nga matukod pag-usab ang Islamic City, nga grabehang gidaot sa giyera.