Share:

By Jim Lloyd Dongiapon
––

Usa ka magnitude 5.5 nga linog ang miigo sa pipila ka bahin sa Mindanao pasado alas 4:23 karong hapona, Agosto 15.

Anaa ang episentro niini sa 06.65° North, 125.14° East – 012 kilometers South 10° West sa Magsaysay, Davao del Sur, ug dunay gilawmong 24 kilometros.

Unang gikataho sa Philippine Institute of Volcanology and Seismology (PHIVOLCS) nga ang maong linog anaa sa magnitude 5.6, ug ang episentro niini nahimutang sa 06.84° North, 125.09° East – 011 km North 36° West of Magsaysay, Davao del Sur, ug dunay gilawmong unom ka kilometro.

Ani-a ang reported intensities:
Intensity V – Kidapawan City; Davao City; Tupi and Polomolok, South Cotabato; Malungon, Sarangani
Intensity IV – Sta. Cruz, Bansalan, Digos City, and Matanao, Davao del Sur;
Koronadal City; Tampakan, Norala, and Banga, South Cotabato; Alabel, Sarangani;
Lutayan, Columbio, Pres. Quirino, Senator Ninoy Aquino, Sultan Kudarat;
Tulunan and M’lang, Cotabato
Intensity III – Cotabato City; Tantangan, Surallah, Kiamba, and Glan, Sarangani
Palimbang, Isulan, Tacurong, and Esperanza, Sultan Kudarat; Magpet, Arakan, Pigcawayan
and Pres. Roxas, Cotabato
Intensity II -Maasim, Sarangani

Samtang, kini ang instrumental intensities:
Intensity V – Kidapawan City, Cotabato; Tupi, South Cotabato
Intensity IV – Davao City, Davao Del Sur; Alabel, Sarangani; Koronadal City, General Santos City, South Cotabato; Columbio, Sultan Kudarat
Intensity III – Kiamba, Glan, Sarangani; Surallah, T’Boli, Santo Nino, South Cotabato
Intensity II – Nabunturan, Davao de Oro; Maasim, Sarangani
Intensity I – Gingoog City, Misamis Oriental

Sa pikas bahin, gipahibalo sa National Disaster Risk Reduction and Management Council (NDRRMC) pinaagi sa emergency alert system ang mga residente sa mga apektadong lugar sa linog alas 4:35 karong hapona, kapin kon kulang 12 minutos human sa pagtay-og.

Gi-alerto sa PHIVOLCS ug NDRRMC ang tanan nga dunay laumang aftershocks ug pagkaguba sa istruktura human sa linog.

Sa pagkakaron, wala pa’y gikatahong nangasamdan, nangawala, o nangamatay tungod sa pagtay-og sa yuta.

Leave a Reply