By Christian Dee

MAYNILA – Ginagawa na ang “final touches” ng imbestigasyon sa pagpaslang kay Negros Oriental Governor Roel Degamo, ayon sa Special Investigation Task Group (SITG) nitong Huwebes, Marso 9.

Sa isang press conference, sinabi ni SITG spokesperson Police Lt. Col. Gerard Pelare na ang pinatatatag na lamang nito ang mga piraso ng ebidensya.

“Yung ginagawa na lang ngayon ay yung final touches ng investigation,” ani Pelare.


“We are just consolidating final pieces of evidence that would ensure na airtight yung case natin,” dagdag pa niya.

Malapit na aniyang matumpok ng Police Regional Office 7 (PRO-7) ang pagtatapos ng imbestigasyon, at nakikipagtulungan na rin sa mga katapat nito mula sa Philippine Army sa paghawak ng mga ebidensya na may kaugnayan sa kaso ng naturang politiko.

Ayon naman kay Department of Justice Secretary Jesus Crispin Remulla, may nakikitang “pattern of impunity” sa pagpatay kay Degamo.

“What comes out is a pattern. It’s a pattern of impunity that we did not sense before. It is something that is so new to us,” anang Kalihim.

“It’s very hard to imagine this happening before. But now that this happened, the stories are beginning to make sense that there was a pattern of impunity within the area,” dagdag pa ni Remulla.

Leave a Reply