By Christian Dee
MAYNILA – Ilulunsad ng pamahalaan sa ilalim ng administrasyon ni Pangulong Ferdinand “Bongbong” Marcos Jr. ang “presidential help desk” para sa pagtugon sa mga financial at medical requests.
Base sa nilagdaang Executive Order No. 20 ni Executive Secretary Lucas Bersamin, pamumunuan ng Presidential Action Center (PACe) ang ilulunsad na hakbang.
“The Presidential Help Desk shall be administered by the PACe. For this purpose, there shall be a Project Coordinator, directly reporting to the PACe, tasked to ensure that the day-to-day implementation of the project is managed effectively, efficiently and economically, and oversee the operational activities of the project, including the performance by all employees and personnel of their respective functions,” saad sa naturang dokumento.
Kaugnay ito ng mga hiling mula sa ilang Pilipino na natanggap ng PACe sa ilalim ng Office of the President na mahigit 50,000, kung saan 20.8 porsyento rito ay may kaugnayan sa medikal na pangangailangan.
Kakailanganin ng PACe na magsumite sa Office of the Executive Secretary ng taunang ulat (annual report) ukol sa kanilang pagpapatakbo o operasyon ng Presidential Help Desk.
Nakasaad din sa naturang executive order na kakailanganing magsumite ng PACe, sa pakikipagtulungan sa Office of the Deputy Executive Secretary for Finance and Administration, sa Department of Budget and Management (DBM) ng proposal para sa pagsasama ng Presidential Help Desk sa pangkalahatang istruktura at “staffing pattern” ng PACe.
