By Christian Dee
MAYNILA – Base sa pahayag ng Office of the Speaker kaugnay sa bunsong anak ni Pangulong Ferdinand “Bongbong” Marcos Jr, nagtatrabaho si Vinny bilang isang intern sa House of Representatives.
Si William Vincent “Vinny” Marcos ay sumasailalim sa internship sa opisina ni Speaker Martin Romualdez simula noong nakaraang Lunes, Enero 23.
“Mr. Vinny Marcos, President Ferdinand “Bongbong” Marcos Jr.’s youngest son, will undergo training in the legislative process,” saad sa pahayag.
Dagdag pa nito, tuturuan si Vinny sa araw-araw na na Gawain sa House of Representatives.
“He will be mentored on the daily grind at the House of Representatives, including the role and interaction of various committees and departments on the legislative processes, as well as strategies to help expedite the passage of vital bills and other measures for the benefit of the Filipino people.”
Inaasahan namang pangangasiwaan ng tiyuhin ni Vinny na si Speaker Romualdez ang kanyang pagsasanay o training, gaya ng ginawa nito sa isa pang anak ni Marcos na si House Senior Deputy Majority Leader at Ilocos Norte 1st District Representative Ferdinand Alexander “Sandro” Marcos noong ika-18 Kongreso.
