Gibutyag ni Dr. Jaime Bernadas, ang regional director of the Department of Health sa Region-7 nga dili tinuod ang mga balita sa social media nga nagnihit na ang oxygen suplay sa Cebu.
Ang maong taho nga nagnihit na daw sa suplay sa oxygen kini tungod sa padayon nga pagsaka sa kaso sa COVID-19 sa Cebu diin ang uban niini gikinahanglan nga i admit sa hospital ug butangan og oxygen gumikan kay naglisud na kini sa pagginhawa.
“Sa pagka karon, wala pa tay nakit-an nga nagnihit na ang suplay sa oxygen,” matud pa Bernadas.
Si Dr. Gerardo Aquino, chief of hospital of the Vicente Sotto Memorial Medical Center (VSMMC) sa Cebu City nagkanayon usab nga dili isyu sa ilang hospital ang suplay sa oxygen.
Gipasalig ni Aquino nga wala sila nakasinati og pagkuwang o pagnihit sa sa oxygen supply gikan sa ilang supplier ug sa ilang planta sa oxygen mismo.
Matud pa ni Aquino nga ang ilang planta mohimo kini og 700 ka tangke sa oxygen matag adlaw nga gigahin alang sa tanan nilang pasyente.
Dungag pa ni Aquino nga naa usab silay back-up nga suplay gikan sa ilang suplayer bisan unsang orasa, kung kini kinahanglanon na.